879

جے کر دین علم وِچ ہوندا (سُلطان باہُو‎‎)

جے کر دین علم وِچ ہوندا
تاں سر نیزے کیوں چڑھدے ھُو
اٹھارہ ہزار جو عالم آہا
اَگے حسین دے مَردے ھُو
جے کر مندے بیعت رسولی
پانی کیوں بند کردے ھُو
صادق دین تنہا دا باھُو
جو سر قربانی کردے ھُو
عاشق اوہی حقیقی جیہڑا
قتل معشوق دے منے ھُو
عشق نہ چھوڑے منہ نہ موڑے
توڑے سہ تلواراں کھنّے ھُو
سچا عشق حسین ابن علی دا
باھُو سر دتا راز نہ بھنّے ھُو

اپنی رائے کا اظہار کریں

اپنا تبصرہ بھیجیں