خمارِ غم ہے، مہکتی فضا میں جیتے ہیں
تیرے خیال کی آب و ہوا میں جیتے ہیں
Khumaar e gham hai mahekti fiza mein jeete hain
Tere khayaal ki aab-o-hawa mein jeete ain
بڑے تپاک سے ملتے ہیں ملنے والے مجھے
وہ میرے دوست ہیں، تیری وفا میں جیتے ہیں
Bade itafaak se milte hain milne waale mujhe
Woh mere dost hain, teri wafa mein jeete hain
فراقِ یار میں سانسوں کو روک کے رکھتے ہیں
ہر ایک لمحہ گزرتی قضا میں جیتے ہیں
Firaaqb e yaar mein saanson ko rok ke rakhte hain
Har ek lamha guzarti qaza mein jeete hain
نہ بات پوری ہوئی تھی، کہ رات ٹوٹ گئی
ادھورے خواب کی آدھی سزا میں جیتے ہیں
Na baat poori huwi thi ke raat toot gayi
Adhure khwaab ki aadhi saza mein jeete hain
تمہاری باتوں میں کوئی مسیحا بستا ہے
حسیں لبوں سے برستی شفا میں جیتے ہیں
Tumhaari baaton mein koi maseeha basta hai
Haseen labon se barasti shafa mein jeete hain
شاعر: گلزار
